I kansilan 21 nuko Kongunga TC kodistrikta loko Bukedea kesi eraasi 15 orara 2024 kopotu ogoloto eyapiesi ke etaun clerk , Emmanuel Elimu. Kama ejaasi ikanisilan, itoronitos kesi Elimu kanu aswam na mam ekupakina ka ecamusana lo da ebalasi kesi ebe inyaki apolo na etoun kwap.
Hellen Akurut Eiraban na ekansulo loko Kongunga ka icie ikansilan ecelanaros adukena nu etaun kesi abalasi ebe mam eyapiesi ke elimu elosio angari kitoni ecie etoun clerk ayangauno. “Okaru je apotu isio etodiasi anyunyura kosi kiton kodistrikta akotosi elimu aijularo konye aponi kolimokin isio atitingor kitoni okaru lo, kwape ekansulo itutub isio agolun ngesi kinga” abala Akurut.
Emmanuel Elimu etoun clerk lo egolunitai kinga eramaki arotan ikosi iyemuto esiimu ngesi abala ebe apotu ikansilan kobilata ekisil kanu aigol eyapiesi ke komam ngesi ejeni. “Ajai engo Kacumbala ne polis ainakin aisiraret ka narai mam eong ajeni ebe ingaibo abu ogolok eyaipesi ka keda ibore yen alemera oyapiesi ka” agata do Elimu.
Gabriel Ejukat LC3 Kongunga kosiimu ngesi abala ebe mam ngesi adumnit ber akiro nu agolio eyapiesi ke etoun clerk. Mary Akol LC5 Bukedea ngesi abu itigogong ebe ikansilan nuka Kongunga ka etoun clerk kec ngesi lem ejaasi akiro sek ido eboikinos irwana ipuu.
Apolokiton Ajakanuto kodistrikta loko Bukedea osawa lo aituk aripotan nu ngesi agwetara isiimun ke nu ejenasi.
Ateker Newspaper
Oraun Eiwadikan
Ijo irai eiwadikan lo ajokan ido ipuda aiwadika iyemuto kanu Ateker Newspaper. Karai irai ijo ageunan arai mam i jaunit isio ijo toma okale lo Ateker lo da epoloi akuwar keda aparan koteso.
Ijuk iyemuto kon kitosomai imail = iyemuto@atekerwok.com
- Kanu acie agangat kinom esiimu= 0394814512/0777257521
