Eingarenok karii nako Teso kesi apotu icorata itunga kere aiwadikaun oregesita loka NRM tetere eseete lu ipudakinos abolobol kotoma ateniek nu epate keda icie da lu ikilasi abwa .
Lu bon iwadikaunos kesi ebwoete abolobol katikit naka epate aiboisio nu eseyanakino eingarenok itorite orionget loka aseo lo ingarenikit atubon Simon Byabakama.
Kobuku Ngariam eminista lo aboliasio Peter ogwang ngesi aksulo na iwadikaun abu icorak Ingariama ebe epototo ka apedorosio kec egeunete kotoms araun asean lo epate lo ijanakini akwap ido nesi NRM.
Jessica Alupo atupiton president ngesi abu koyau aiwadikaun kocaalo ke lo Oigo Imomwa, etela Aketa kotem Ongongoja ne abunio olimokin itunga ayangar aiwadikao na kwap ibore yen epol kotoma akwa
Kobuku lo Kanyumu kodistrikita loko Kumi Vincent Orena abala apotu itunga iwadikaunos konye luipu ekumatos ebe iyatakinai aparasia. Orena ipu itunga egoloro Ibore ilipitos ngesi ayatakitai aparasia naarai ejaasi lu elwaka icie adekesia.
Anita Among airaban korai MP na Bukedea ngesi abala itunga kesi apotu oremoros aiwadikaun. Anita abu kolimok itunga asipokin ipiriotin ateniek lu epate kedol apak. Ko Kumi municipality MP Silas Aogon lo ewadikauna ko Obos
Konye lo epolokit erionget loka aseo ko NRM Professor Tanga Odoi abala ebe idwe lu esomero lu ejaasi asioman kesi mam akoto abwonokin naarai eponio kesi aiwadik iyengio.
Odoi abala mam ajok isomeroi agolor kanu aiwadikao naarai ijaikini auriak alangir keda Bobo da aitolitol ainapeta nu asioman.
Ateker Newspaper
Oraun Eiwadikan
Ijo irai eiwadikan lo ajokan ido ipuda aiwadika iyemuto kanu Ateker Newspaper. Karai irai ijo ageunan arai mam i jaunit isio ijo toma okale lo Ateker lo da epoloi akuwar keda aparan koteso.
Ijuk iyemuto kon kitosomai imail = iyemuto@atekerwok.com
- Kanu acie agangat kinom esiimu= 0394814512/0777257521
