Akaulo na aijilil amunyelet na ajokan okaru 2023, Soroti Cricket Academy ngesi elomunit okaru 2024 keda akapakina na apol ka aitopol atalantan kama ejaasi idwei ekapanakinos kanu Aipejokin Rwanda. Rwanda Cricket Association ngesi abu elacutu anyaraunet ne ejai Soroti Cricket Academy isialaminitos eipone lo ajokan lo apotu apesur iswamatar okar lo atubor.
Man anyaraunet na erai kanu ainingokin konye kanu aitodiar etiimu loka Soroti Cricket Academy lu egogong kotoma abolia cricket. Rwanda ngesi emoi eipone lo aijaikin Soroti Cricket Academy I waitin nu itodiarata akec atalatan ejaasi akapanakin kwapu 17 (under 17) kanu angor akwap naka O’Rwanda.
Atiimu lo ekapakin lo aboliak 14 ka engarenok 3 ngesi adaun asekun kanu abwoikin Soroti Cricket Academy aboliasio nu ebeit ajaikin akwapu naka Rwanda oibuga Kigali eraasi 15 kitoni 19 Orara 2024.
Etiimu lo ngesi obwoi kotoma oingarenone ke Emmanuel Twijukye kwape eitutuoran lo apolon loda esubit bala ekapakina kanu aboliasio kanu. Asekuno na etiimu kalo ngesi atupitai eteikit aboliak nu ikaru 17 kwap keda awanyun ebe aboliak kere nu esekunitai kesi eraasi nuko Soroti Cricket Academy.
Etiimu loko Soroti Cricket Academy ngesi kwana adautu akapakin alacakin apuwa Kigali eraasi 14 orara 2024 igangite Uganda Cricket Association Anyaraunet naka Rwanda Cricket Association’s ngesi mam erai apukokinet na erot kanu Soroti Cricket Academy bon konye korai arerengu aitopol aboliasio koteso.
Ateker Newspaper
Oraun Eiwadikan
Ijo irai eiwadikan lo ajokan ido ipuda aiwadika iyemuto kanu Ateker Newspaper. Karai irai ijo ageunan arai mam i jaunit isio ijo toma okale lo Ateker lo da epoloi akuwar keda aparan koteso.
Ijuk iyemuto kon kitosomai imail = iyemuto@atekerwok.com
- Kanu acie agangat kinom esiimu= 0394814512/0777257521
