Ipolisin luko Budaka kesi ekamutu ekile loebe Robert Meta 30 akorion lo ccaalo kalo Idudi kotem Nasanga odistrikita loko Budaka kanu aingarakin kesi aingic emusago lo aibu aisiol ikoku yen ilapio iwongon lu apolou.
Samuel Semewo eiraban loka polis ko North Bukedi etogogong kobala ebe erai abeit ejai Meta otuja ino enaaba emusago ke erai CRB 006/2024 lon adaun aiwadik.
Semewo abala ebe Meta ngesi abu kodumun Edisa Kataike 22 na ajaasi ka ilokuke yen eitunganan ecie kosodi acamun ngesi kwape aberuke na adaunata ilapio iwongon edukosi. konye ebe eraasi 07 Orara 2024 kosawa nepetai iyarei ,euta Kataike aipo operete Meta keda ikoku kwape lem sek,abu kopup ikoku edelori noi ekaulo abu okilenike kolomunite kinga kwape ekamusitor akwap aiworor ngesi ebe elwasiki ikoku aperit.
Konye kedol Kataike ojamu abu odum ikoku ilalai noi kewanyuni aokot akeju ikokuabu ingit Meta nu eswamaikit ikoku konye abu kopeg tapi ngesi iworouni igongeta ka John Kalagala LC1 loatutubet kec kingisi Bobo Meta abu kosabiti ebe etakani bala aktoi caat icumit ikoku tapi polis iworori.
Kalagala abala ebe araida ajananasu imusagono lu aibu asiol apesur emamei yen ikaru 13 kwape, do Meta aswam ecudet loebe emoere abar do aisab ebe ajokit.” Ikapakina sio aijaikit ajenanut adieket naarai mam ikoro imoyo yen aiyatakin”, abala Kalagala.
Polis PRO Semewo abala adau Emuron loka polis awanyanar ikoku neda isiarisiarit Meta ikoku aures afoketait na erono noi. Ijaka iuta aisinapikin Kataike aomisio ka aanyun ebe edumuni ikoku amukian.
“Elip apesur nu emaranete edukone bala engeso kojaasi ka idwe ka ikiokiok icie atiting mere atwapitoi. Kocaalo Opogono kotem Kibale TC abu Bobo acie apesr konyou kocaalo lo Nyakoi kotem Kameke kosodi ekilenike lo abu kodaun kobil ikoku yen ekaru engulingul”abala Semewo.
Ateker Newspaper
Oraun Eiwadikan
Ijo irai eiwadikan lo ajokan ido ipuda aiwadika iyemuto kanu Ateker Newspaper. Karai irai ijo ageunan arai mam i jaunit isio ijo toma okale lo Ateker lo da epoloi akuwar keda aparan koteso.
Ijuk iyemuto kon kitosomai imail = iyemuto@atekerwok.com
- Kanu acie agangat kinom esiimu= 0394814512/0777257521
