Atiakuno na ebuku lo ewomitai lo Kateta ngesi ngesi esubit bala ekamu do akim na emwana pee. Atakanutu nu kotupitete aimonyo ke Samuel Otaala lo kotem Kyere kodistrikta lo Serere lo mam iyalama keda atiakuno naka ebuku Kateta.
Otaala igangitos ipaupa ke icie apotu igirakisi aimonyo kesi ne ejai eirabet naka edistrikta lo Serere kitoritos ne ejai Eiraban. Abaluwa na edalackt Otaala ne ejai eiraban ngesi iketakin ebe olemarai Kyere TC keda Etem Kyere kama ejai ebuko lo etiakunit edistrikta lo Kateta.
Eraasi 21|12|2023, airabet naka edistrikta lo Serere ngesi abu atiakunite ebuku loitet ojena kwape Ebuku Kateta lo da ejaasi itemwan toma nu imoriaritos Kyere, Kateta, Kyere TC keda Ocapa TC kojalakite Atiira, Olio ka Serere TC kanu Ebuku Serere.
Otaala lo abu pac obolobolote kanu Ebuku Serere aseo da adaun pac kosodete aseeta aikad ngesi iketara ebe Etem Kyere ngesi ejaasi keds enaaba lo itunga lu ipu noi ne ibusakit adumun ebuku. Kobala ebe ne atiakunere Kateta kwape ebuku amamete ikansilan icie.
“Mam isio ingerit Kateta araun ebuku konye aimorikikin Kyere keda Kateta ngesi erai awomisiot na ibajubajuna” Amusugun nu ekongitai obaluwa.
Henry Opio eiraban lo Ekansulo lo Serere ngesi abu imuwa nu Ataala kwape amamiak kobala ebe angurian na ngesi erai na ingarenikit ebiti iyatakite ebe aponi itijenari akiro nu ne ejaasi ikanisilan kere.
Kotupitete isulai nu itunga kwape ajatatar okaru 2020, etem Kateta ngesi ajaasi keda enaaba lo itunga nu ipu noi kodistrikta lo Serere keda itunga 67,770 kotupakin Kyere keda 59,687 ka Bugondo 44,217. Edistrkta ngesi aparaan kangin abu otiakunite itemwan icie da . Kopekwana ber ejaasi edistrikta keda ibukui iuni imoriaritos Serere, Pingire keda Kasilo.
Ateker Newspaper
Oraun Eiwadikan
Ijo irai eiwadikan lo ajokan ido ipuda aiwadika iyemuto kanu Ateker Newspaper. Karai irai ijo ageunan arai mam i jaunit isio ijo toma okale lo Ateker lo da epoloi akuwar keda aparan koteso.
Ijuk iyemuto kon kitosomai imail = iyemuto@atekerwok.com
- Kanu acie agangat kinom esiimu= 0394814512/0777257521
