Bukedea; Airaban Annet Anita Among  ngesi alimoki itunga ke lu Bukedea ebe itunga lu ewomitos ebe emakuk lo ejai ngesi erai ti lokec kesi iswamaete agogong ebe ailokor ngesi oyapesi kobskasi ebe kojal aswam.

Among abala ebe Edeke elopet etojokit ngesi ajaut oyapesi ngol konye apol amajao noi Ibore ijaikit ngesi abwoi keda ailip. ” Konye kotoma abeit akoto eong einer akuko mam eong aomomoe nu ajalakin eyapesi, ainyeina ngai mam ibusikit oni da”,ingisit Anita.

Anita elabilabi nu kosomero lo Apopong primary school ne alosit ngesi da aiwadikauno oregesita loka NRM kwape asran. ” Ijenetr yesi kere ebe alosit airabet kwape abonipei kasodi konye alomar NRM konye emamei lem ekiroriks oitabo lodos konye Lolo adaunos akiro aso akoto itunga kere orimaros icaloi kec aiwadikauno”, abala Among.

Among elepuni akiro akaulo apolon eicolong LC5 na Bukedea Mary Akol ailip ngesi aitacaun akiro nu idiatakina olago otereikina keda ebe akorokor eyapesi kaitolitol na apiyai.

Konye Abu inyikok ebe ejaasi lu ebakai mam Iteso ibusakitos oyapesin lu epolok konye ajokis president Museveni ejeni nuipu. ” Emamei eong ibore alemuni aidiyalamikina yesi iketunga lu Bukedea kwape idaunata aisumun ainyamar eong komam etepegitai.

Joyce Akello na ocaalo loko Kasera kotem Kamutur ngesi abala akotosi kesi Anita aiwadikauno kotem lo ejai kwana ekere konye kwape eraar Toto na edistrikita kere nepe etojoks alopet kesi ajokuka.

Ko Pallisa Dr Rome Otodo abala ebe araida mam Anita ingarakit Iteso kere konye ajaut ke oicolong ngol erai aibuses na ateker.” Araida ebakai ebe ejaasi Iteso oboro ikiidioko lu imedaete konye lu ejaasi oyapesin lu eposik elipanakinete asacata angopanakin”,abala Otodo.

Eja ngin Sam Omuna ngesi abala mam epataka kesi airiamun ke airaban alimokin aimony kec naarai 2021 Osupa president Museveni aseeta ko Kumi abu ijaa ailipakec lu apotu ojalats ipatei lu FDC ka NUP kosodi alimokin Capt. Mike Mukula aitodolikin akiro kec Konya atayo.

Sam Opolot abala ebe apotu itunga lu Kumi osurokisi kesi konye atwakisi akiro orot. “Ikoto sio airiamun keda Toto airaban alopet nesi epedor aibwo akiro nu. Konye nu itamitos imo kanu aloger Anita opalutu taai”, abala Ambrose Opedun ediopet sek isigirin luka FDC ko  Teso.