Ateker na inomu irisai ikariok lukotem oboliso kodistrikita loko Pallisa kesu erukutasi amojong Mary Mudodo na ikaru 75 kanu akiro kanu ikamanara keda ebe ecudet Mudodo nges erai aberuke Giripasio Opolot korai auriat na Ocala kalo Kateki otem lope Oboliso
Tom Okiror apolon etem lo ateker na Inomu ngesi abala iboro lu edukunitai kotogoke Mudodo imoriaritos akoko, isumalin, atiboloka aicel kesi etodiete ebe ngesi lem itomonyi itunga aicak amalogoi
Okiror abala ebe ability Mudodo atiskunet na 11 kotoma aibunget na ikisila na ebalua ebe itunganan yen ideleleuni keda ajenanut ebe ecudi ,ilogai ka aingalanakin lucie itegelio isirigin lumam edeparete emilionit ka atwario ateker.
” Aso idau atiak situdilaret JE kowai lo ngesi abongor orekec komam Bobo imario kwape aberu na ateker.. Elipit itunga ajaut ka aomisio nu aimorikikina kaitopol ateker”, abala Okiror. John Michael Edorot LC1 lo kateki ecaalo lo elomunitor Mudodo ngesi ebu itorona nu iswamat mudodo noi.
Konye Mudodo abu kopeg kobalasi mam ngesi ecudi konye kanu ajoko kaiboro apuwes kotogoke erai kanu apalusonut naarai mam ekokit aipie Ido akot bobo abongukin aipo. Akiro nu ecudet ka ipjan abongonokin aelo kesi akiro edilutu kotoma atekerin nuipu.
Yoweri Tukei lo Akisim abala akoto apugan aijaikit ijaka lu atekerin apedor na aitemonokin akiro kec. Tukei abala itunga icie kateker kesi ilopaka akiro nu iswamaete lu atekerin.
Ateker Newspaper
Oraun Eiwadikan
Ijo irai eiwadikan lo ajokan ido ipuda aiwadika iyemuto kanu Ateker Newspaper. Karai irai ijo ageunan arai mam i jaunit isio ijo toma okale lo Ateker lo da epoloi akuwar keda aparan koteso.
Ijuk iyemuto kon kitosomai imail = iyemuto@atekerwok.com
- Kanu acie agangat kinom esiimu= 0394814512/0777257521
