Itunga lukotem Obutet kodistrikita loko Pallisa kesi apotu itodiasi alakara kanu akutunia MP kec Derrick Orone kesi ibore akonye akaulo egwelakin etem amisiri adiopet na ejai etogoda toma. Obutet keda Kaukura kesi itemwan iyarei agwelaki Orone alupok kanu aduketa nu itemwan.
Martin Luther Omoding ngesi abu itwegelik MP Orone amisiri kotiai lo isigirin imilionin itomon .Kana ebalasa Orone abu itojoka aikopakin etem alupok kaitutuket da. ” Koleje esupi aseeta abu esumunitor yesi etem konye akiro emusago apotu ecirasi eong kwape abu Issa Bantalib Taligola edilara eong adieket.”, abala Orone.
Kanu esomero loko Obutet seed SS Orone abala adau airupakin Obutet toma okaru lo 2023/2024 konye ekoto etem aitemonokin akiro nu alupok keda akelesia.
Akiro esomero apotu ijaikisi itunga aingany akonye ikeu George Oule Omoding lo erai apolon eicolong loka NRM ko Pallisa akiro ebe etogogong ngesi ebe mam apolon eicolong LC3 lo Obutet Kenneth Mapeera eyangarit ebaluwa lo ailip alupok ne ejai esaserodoti Chrisostom Oduch kanu ayangar awanyanaret nako Tororo.
Konye Mapeera abala edauna akiro yen epega odolok Fr Oduch. Martin Aseuk lo etem Obutet lo abwoikit Fredrick Byenkwaso apolokinitok ajakanut ko Pallisa abala apol arereng na noi naarai emamiatar edistrikita apiyai nu egwelia alupok.
Oule kwape bobo arucokiniton eyapesi loka apolon eicolong NRM ko Pallisa abala ejok itunga aise eingarenok lu inerasi ka aswam. ” Eong da na araar ekasela lo Gogonyo adaun ikaru itomon , Ido eong epeguni atiakuno na Obutet, kwape kwana eneket eong aseo kwape LC5 lo Pallisa aburokin Patrick Duchu “,, abala Oule
Ateker Newspaper
Oraun Eiwadikan
Ijo irai eiwadikan lo ajokan ido ipuda aiwadika iyemuto kanu Ateker Newspaper. Karai irai ijo ageunan arai mam i jaunit isio ijo toma okale lo Ateker lo da epoloi akuwar keda aparan koteso.
Ijuk iyemuto kon kitosomai imail = iyemuto@atekerwok.com
- Kanu acie agangat kinom esiimu= 0394814512/0777257521
