Itunga lukodistrikita loko Bukedea kesi ekoto aiyalama atulanar kanu bobo epudokinia airaban korai MP kec Anita Among ainakinet acie na aijanakin kowai lo angaleu.

Etimu lo ipiriotin luka angaleu ingarenikit Among alopet kesi apotu imanimanata adekis nako Bukedea teaching hospital . Ijaikini einerike itunga akonye kalu iyemuto Anita Among abala ebe 

ADVERTISEMENT

Adekis na nesi abu ocop aijanakin Ateker kana ebalasa eraasi 15/01/2024. Ido aisido angor nesi erai na atitai Ido iboro lu imoriaritos atauloi, aitabalan,,esabinyu lu iturakitai aikopo na enyaritai mama kit nesi ekoriaro atitai. ” Ayangaunit eong adekis na kanu itunga lu okwap adumun aijanakinio nalem epol etiai adekesia nu elwaka.

Elip eswamak araut lu eboikina ominakite aswam kec tetere itunga imedaubete ka ipudare Airaban Among abala adekis na ngesi elosi araun ebur lo etolomere emukiak lu eberiang koingaren.

Hassan Kasi AIGP loeyengunan kopolis ngesi Abu itur Among kwape aingarenon na erai aijanakin. Kasi abala ebe akoto lucie eingarenok da arokun nu iswamaete Kane ajai MP Among. Charles Nange kolomunite Kosara kotem Kamutur ngesi abala itunganan yen itikadikina kanu aijanakin ke Anita kobwok Okide.

Ambrose Opedun amejan aseeta ko team Anita abala ebe elemar MP kec noi kotoma omanipesito lo apeskitai itunga. ” Nu eswama airaban Among korai MP kosi kotoma okaru iyarei lu adaunos esubitos bala aijanakin na ikaru 20.iwany ijo irotin akim lolokodat icaloi kere ilema idis bon kwape nat Kasera lu aponi ikamakitlnai eminista lo akim Ojaasi aparan na ijaar Acomai aitegear irrigation project”, abala Opedun.

Apolon Francis Odeke lo Komongomeri elip kwana among Aiken Adekis nako Kolir da kwape kana Kachumbala naarai egeunitsi kolo aiduk 1950 ediope ekaru.” Ebakai kangul ebuku ajaut keda adekis na health center IV kwape araunor Bukedea adekis na edstrikita ikeu Kolir da”, abala Odeke.