Erionget lo eyait nu Ibokan [Ministry of Energy and Mineral Development] ngesi ekapanakin kanu aitegiar aibok ibokan kari naka Teso olapa lo iyareit. Erionget ngesi abu itijena nu airiamunet keda engarenok nuko Soroti ka Kalaki kana ikanyet.
Ejakait Joshua Lukaye epiriotit lo ibore nu ibokan orionget ngon loka ibokan ojai da atenut ngin naka aimo ka aitolom akinget ngesi abala ebe aimo ka aibok ibokan ngesi elosi ainyikokin kotupitete acamanar kidding erionget, engarenok ka ilupek alupok .
Abala ngesi ebe aimo ka aibok ibokan nu ngesi elosio aitolot kodistriktan nu imoriaritos Soroti, Serere, Kalaki, ka Katakwi. Kodistrikta loko Soroti ebuni Apugan aimo Ibokan nu aiboisio nuka Ochokican, Kamuda, Katine. Kalaije ko Kalaki ebunio ainganyinganya etem Bululu.
“Akwap naka O’Uganda ngesi pac abu odumunite akinget karina nuka ocorin nu Albert na da kopekwana eutai akapanakin kanu aijilil okaru lo angeset, konye aibok Ibokan ngesi mam erai ibore yen inyakakin ibore yen ijaikin eriongest eutara aimo atanin acie” Abala Lukaye.
Atupiton apolon eicolong lo Ikanyet ko Kalaki, Ejakait Pascal Engwau ngesi abala ebe ekoto apugan aitolot aisisianakin na ibecokina ne ejaasi itunga kwape erari ebe Ibokan nu ngesi ejaasi alupok itunga.
Amucalat Joan Alobo the erai ameeba na airabet oibuga Soroti ngesi abala ebe acamanar na Ibokan ngesi ekoto awanyun ebe ejaunos ilupek alupok toma “Iporete lem idegei nu Apugan komam elimokitos itunga ebe inyobo elosi akonye . ekotosi alemar Ibokan komam elimokitos itinga, Mam isio ilosi acamun” Abala Alobo.
“Isio kwape engarenok icamunit isio nu epote opotu narai mam akosi aokot ebukoros atitai. Arai ekotosi eyarit icaminit isio oyarata, aria ameyar isio ojeera omeyasi konye mam isio ilosi acamun. Ilosi isio aigwo kanu alupok iteso” Abala Jonathan Ebwalu lo aunya bala emongo lo ekoto ejie.
Ateker Newspaper
Oraun Eiwadikan
Ijo irai eiwadikan lo ajokan ido ipuda aiwadika iyemuto kanu Ateker Newspaper. Karai irai ijo ageunan arai mam i jaunit isio ijo toma okale lo Ateker lo da epoloi akuwar keda aparan koteso.
Ijuk iyemuto kon kitosomai imail = iyemuto@atekerwok.com
- Kanu acie agangat kinom esiimu= 0394814512/0777257521
