Idwe 749,547. lu eboikina aingito kec na angetakin okoosi lo ikaru ikanyarei ejaasi puraimare kesi emaranete awstekec kwape eyapiar alacun akiro kec.
PLE ngesi aingito na asioman na irododoe kakere Ido otereikina ka idwe ludifik lu elomarere asioman eraasi ikaru ikanyarei ka ikanyarei toni esisian adolore ikaru 13, toni 18 eroko icie ejaasi puraimare kanu retakes kec nu abongonokin atukono.
Duc abongun naka akiro nu aingito ijangakitos itunga luipu imoriaritos idwe, auriak esisiakinak, apolokinitok nuka asioman ,eingarenok ka apugan da..
Epupete idwe ileuc arai ibiroros naarai kangin itunganan kere toni lu Abu kolo asioman onangak orot da esuronokinete kesi kanu aipotar ikaru ikanyarei kere Ido adakunun 9s.
Idwe aitub aingito mere nesi adumun afoketait nasodit bon division one konye adumun anakesin 28 , kwape ejaar kotoma ounibadite da lu ebelara edumunetr first clat, obubi second class upper, lower Kacie da konye kere ibwokete abolia.
Irwan ipu esisiakinak ka ikayaitok nu asioman kesi itoronio arai ebongutu akiro eroko imurokini kangin itunganan epeluke lo abeit aswam.
Kotoma odwe lu edeparete imilionin iyarei elomarere atukot nasodit, 700,000 luda 670,000 kakes i iboikinos angito lomam enyamitotor isomeroi ilema aparasia ayareu bon nu eswanata aingito icie man enyamitos da.
Ekot auriak ajenun ebe ikoku ekot ageun aiteten nu asioman ke ko P1 mere aidar ebe P7 nesi ijanakinere tests ka aingob euji, korai akokorei da iswamae kwangin aidar abeei aiwalakin airukun aparan na 21 do nucie airukun paran bon to mam ebekete imiyoi.
Aso ilipit kangin itunganan aswam epeluke ageun okaru lo kwape ebakere idwe aicop asioman eraasi 05/02/2024 akoto idwe ajaut atukot asioman mere bobo ngesi iwadikaere,
Apolok isomeroi akoto ageun aiwadik idwe kwape kwana ka aitollot aurianet kec nu akorokor atukono ka asabujrkitan cut , Ido eyapesin lu asioman da mere aidar toni isomeroi apukor nesi ijulijulere esisiakinak ibore eyauni autolitol aswam
Esabiti lo awasia erai lo ebeitor apupnokin angurian kangol kalu ejuli.
Auriak da adumakin idwe iboro lu ipudai kwape kwana mere aidar toni apak adolun nesi ikokoere oni keda obeying lu ikeikinio.
Ateker Newspaper
Oraun Eiwadikan
Ijo irai eiwadikan lo ajokan ido ipuda aiwadika iyemuto kanu Ateker Newspaper. Karai irai ijo ageunan arai mam i jaunit isio ijo toma okale lo Ateker lo da epoloi akuwar keda aparan koteso.
Ijuk iyemuto kon kitosomai imail = iyemuto@atekerwok.com
- Kanu acie agangat kinom esiimu= 0394814512/0777257521
