Kampala: Itunga lu obuku lo Agule kodistrikita loko Pallisa kesi alimokin ainapakin kosodete alemar aigur abekoi na isiarakitai ebe angopata atubok naarai ekotoi kesi abongonokin Ibore atubioto emusago eede kanu David Ochwa airas airabet.
ADVERTISEMENT
Ochwa kotoma oinerike lu asupana abala ebe adaun ngesi keda ipaupake iuni aitogogong kwape lu aisilairao osabiti mgol naarai ijaa kwana apakio nu apolok nuka epasika. ” Ibore ekoto itunga ajenun nesi ebe mam airabet elomio ailom bala osokoni, adautu ipulidan akorar aiwadikaeta oyapesin kere ido adau Simon Byabakama da apolon eicolong loka aseo aitijenikin airaban kotoma obaluwa kwape ebalar ekisil ,eong keda Sarah Aguti na Doloko ka iministan, Kenneth Omona ka Balaam Barugahara adiope aparan isilaerere “, abala Ochwa.
Konye nu epolok kesi nuta adau epulida ka Okello Oryem aitodolikin oupake Caleb Alaska epulida lo abwoikit Ogwari adieket aisiraret na atacakin eong igaraman ka arai ti 150m konye atub esolo nepetai atutubet aso akoto eong 80m kane ejai onaceka Ogwari lu etube ber lo Mbale konye ikopari lo Kampala “, abala Ochwa.
Konye aisisiaun kane ajai Ogwari arai adumu aisiraret ngesi mam apatana kosawala lo idoyo okalamu naarai agwetara esimuke William Emuron ekasela lo Agule abala ebe itunga lu osentan lu ocaalo kesi eroko igurete nukec naarai mam emisikitos ekisil.
” Elipit eong Ochwa ogwetar akii aipup nu adaunos naarai ikoto ainapakin ka apol, Ibore yen epol odau Ochwa solar kosodi airiamun ka idio kere ikaselan 9 lu Agule etatamata nu iswama icodo asioman kaijanakine obuku kosi”, abala Robert Oonyu ekasela lo Chelekura.
Ateker Newspaper
Oraun Eiwadikan
Ijo irai eiwadikan lo ajokan ido ipuda aiwadika iyemuto kanu Ateker Newspaper. Karai irai ijo ageunan arai mam i jaunit isio ijo toma okale lo Ateker lo da epoloi akuwar keda aparan koteso.
Ijuk iyemuto kon kitosomai imail = iyemuto@atekerwok.com
- Kanu acie agangat kinom esiimu= 0394814512/0777257521
